مشاريع متعثرة.. المشروع الربوي

آخر مشروع عنا في المشاريع المتعثرة الله يبعد شرها عن الجميع.. وهو المشروع الربوي..

هادا بيحصل مع بعض المشاريع المرتبة الي انت بتبدا فيها صح بيكون في بلان صح، بيكون في تحليل صح، بس حضرتك بتخربط في الديد لاينز، وبتسلمش الحاجات في وقتها، وبتبدا طبعاً تقول للناس “أوكي الأسبوع الجاي ان شاء الله راح يكون الإشي جاهز” وعلشان تخليه يرضى عن التأجيل – الخطيئة الأولى والكارثة – بتروح تقول وتلتزم “وراح أعملك إمبورت الإكسل كمان من عندي! ما اتفقناش عليها بس حسويها.. إبسط يا عم” وبكرا بتقوله “راح أعملك 2FA” وبعده “راح أضيفلك الطباعة الحراري بس اصبر عليا شوية”.. شايفين؟ كأنه قرض وبيزيد بالربا عافانا الله وإياكم.. الزبون دافع نفس المبلغ، خسر وقت، بس في نفس الوقت عمال قاعد بيزوّد الحق الي بده اياه منك مجاناً، طبعا انت في البداية حسبت التكلفة وكنت بتحكي من منطق قوة، بعديها بتصير تحط عالبيعة حاجات انت لا حاسب تكلفتها زي الخلق، ولا حاسب وقتها زي العالم والناس. والزبون الي كان يطالبك بحاجة، صار يطالبك بعشرة، وانت راح تطق من القهر لأنك حطيتها عالبيعة، بس الزبون مش حاسبها هيك وحاسبها حقه.

إياك تبتكر أسلوب لتعويض الزبون مش منصوص عليه، ومش نظامي، ومش قابل للقياس، حتى الشرط الجزائي ليه حد أقصى، المفروض منك لو تأخرت تحاول تبرر وترتب أمورك تاخد زيادة، ولو الزبون زنّق، بتشوف العقد إيش بيقول بخصوص التأخير، ولو ما في نص في العقد – وتذكر كلامي – احسم ديسكاونت نقدي، بس إياك تحط على حالك شغل ربوي.. نصيحة بس.

وفي النهاية بشكركم جميعاً على استماعكم، الأنواع والأنماط الي أنا حطيتها الهدف الرئيس منها تشخيصي (مش اني اشخّص عليكم يعني إنو نشخّص انت وين بالزبط واقع ونحاول نساعد بعض للخروج من الورطة) وما تترددوا تسألوني لو محتاجين مشورة في وضع محتاجين حل لإله وبتمنى يكون المحتوى مفيد لإلكم.يمكنك النقر هنا لمشاهدة المنشور

#مشاريع_متعثرة