يسعد مساكم، المشروع الي حنحكي عنه الآن.. مشروع القفص.. للأمانة محير جداً.. لأنه الخطأ هنا مش على حد قد ما هو snowball effect.. شيء بينترك ومع الزمن بيصير حجم مشكلته يكبر يكبر لحد ما بيبطل يمكن السيطرة عليه..
هو عنوانه مشروع، بس هو أقرب لوظيفة، بس بيضل مشروع، كيف؟ وين؟ هي هيك.. بتتفق مع الناس إنك بدك تبنيلهم “سستم” يدير الشركة (دايماً بيكون إطاره كبير وطامح).. بنعطيك شهري.. بنعطيك بالساعة.. بنعطيك بالكبشة.. يعني لا بدجت ولا ريكويرمنتس.. بنضحك عبعض بكلمتين “بنقسمه فيزز” وبعدين بتضل تشتغل.. بتكبر انت.. لأنه عالأغلب هادا بيجي في مرحلة عمرية مبكرة.. وبتصير تظهر فرص جديدة والمشروع هادا حابسك جواه.. مش قادر تاخد جوب حتى عشان التزامك مع الناس لأنه عالأغلب ناسه بيقصروش معك.. فش حد يشيل عنك لأنك شايله بروحك.. مصلحة الناس ماشية ومعتمدة عليه وانت مش قادر تعتذر منهم.. بدهمش يوظفوا حد لأنك صرت “ابن الشركة” والأمانة كبيرة والثقة أكبر..

وانت على بر الأمان النصيحة إنك ما تخش مشروع بدون ما يكون عندك exit واضح.. وما تشتغل وانت ملكاش بديل.. إياك تفكر إنه لما تكون “ديك البرابر” هادا اشي منيح.. دايماً دور يكونلك بديل لو طلعت أو لو ما قدرت تستمر في هيك نوع من المشاريع،

هيك شغل أصلا هادا مش مشروع، هادا شغل in house development done by a freelancer.. وهادا أصلا اشي مش راكب عبعضه، علشان هيك بيقلب إشي مش صحي بعد فترة.. حتى ولو كان بعد سنين طويلة.. لإشي زي هيك اطلب انك تأسس بشرط انك تسلم موظفين لاحقاً.. وتتابع معهم بعقد صيانة. لأنه حتى لو قالولك نوظفك انت شخصيا للمشروع هادا بعد هالوقت برضو اشي مخيف.. لأنه تحويل هادا النوع من الشغل لوظيفة هو تحصيل حاصل..
أما لو كنت ورطان فعلاً فلازم تستميت إنك ترتب بديل لإلك، وتعمل exit plan واضحة ما تخرش المية، لا تضيعك ولا تضيع الناس المحترمين الي وثقوا فيك.. توظف عندهم ناس.. تنقللهم الخبرة وتعمل توثيق لشغلك.. المهم يكون في exit. يمكنك النقر هنا لمشاهدة المنشور.

#مشاريع_متعثرة