ححكيلكم اليوم عن نوع مشروع إسمه مشروع طريق الوداود..

هادا المشروع الي أصحابه باين عليهم من الناس الي كلامهم بيتغير كل جلسة، ممكن معهم فلوس محترمة وبيدفعوا كمان.. بس مشكلتهم إن العمل معهم بده خبير مش في التك.. قد ما هو خبير في الضبط والترويض.. انت ممكن مع هدول الناس تكتب متطلبات وتتفق على أشياء تسلمها، وترسم شاشات.. و في الآخر يقولك أنا مش هيك كان قصدي.. وساعتها بيبدا التلزيق، بتمشيله هادي، بيقبل إنك تلغي هديك، وبيبدا يتشوه الأساس لحد ما بيصير طريق النهاية للمشروع مش واضح نهائي وانت فعلياً مش عارف كيف ومتى تقول “خلصت”، انت بتبرمج إيش؟ هو إيش جابك المنطقة هاي؟ متى حتنتهي فترة البرمجة، متى حتبدأ فترة الصيانة؟! محدش بيعرف.. شخصياً أنا في قعدتي الأولى والثانية مع الزبون بشخصه إن كان من هالنوع أو لا، لو كان من هالنوع غالباً بديله صابونة بمنتهى اللباقة.. لأني عارف هادا وين رايح، حتى لو قلك #عشرتلافضُلَر هيك شخص الأفضل يتعامل مع شركة جافة عندها جانب قانوني محترم وعالم بتحط عقود وبترص عليها، أما فري لانسر مسكين يشتغل هيك إشي لا أنصح بتاتاً.